Tal día coma hoxe, en 1906, nace a Real Academia Galega

O 30 de setembro de 1906 inaugurouse oficialmente na Coruña a Real Academia Galega (RAG). A institución constituírase, en realidade, un ano antes, o 4 de setembro de 1905, na Casa do Consulado da Coruña. 

Na seguinte imaxe aparece un retrato dos fundadores da RAG. Na primeira ringleira, sentados, José Ogea, Manuel Murguía, Manuel Curros Enríquez e Andrés Martínez Salazar. De pé, Uxío arré, Florencio Vaamonde Lores, Francisco Tettamancy e Eladio Rodríguez.

Tedes toda a información sobre a historia da RAG aquí.

Os dereitos do galego

Tras o Día Europeo das Linguas, sumámonos á petición de que se cumpran para o galego as recomendacións do Consello de Europa.

Preme aquí para ler a información completa

Día Europeo das Linguas

Desde o ano 2001, o 26 de setembro conmemórase o Día Europeo das Linguas, que este ano ten o lema Linguas para a paz. O obxectivo desta data é poñer en valor a diversidade lingüística da Unión Europea e promover a aprendizaxe de idiomas en toda Europa en persoas de calquera idade.

Desde o EDLG creamos este Wordle para que xoguedes e adiviñedes a palabra galega agochada. Esperamos que o desfrutedes!

Chus Pato, Premio Nacional de Poesía 2024

A galega Chus Pato foi galardoada co Premio Nacional de Poesía 2024 pola súa obra Sonora que, escrita tras a morte da súa nai, en 2018, explora a condición de orfandade da autora. 

Cúmprense 100 anos da expedición fotográfica de Ruth Matilda Anderson en Galicia

Entre 1924 e 1926, a fotógrafa norteamericana Ruth Matilda Anderson viaxou dúas veces a Galicia por encargo da Hispanic Society of America. Durante a súa estancia, realizou máis de 5000 fotografías dunha gran calidade nas que retratou os costumes do pobo galego, en especial, as do mundo rural. Ademais, entrevistouse con moitas figuras relevantes da cultura de Galicia e, xuntando os rexistros escritos coas experiencias cotiás, deu lugar a un libro arredor dos campesiños, a infancia e as mulleres. É por este gran labor que hoxe queremos destacar a figura desta importante muller. 

Tedes aquí unha escolma de fotografías realizadas durante a súa viaxe.

Podcasts Radio Esquío

Para que poidades coñecer algunhas das actividades realizadas polo EDLG en cursos anteriores, deixámosvos por aquí os dous últimos podcasts de Radio Esquío, nos que colaboraron tanto alumnado coma profesorado do IES.

Benvida ao curso 2024-2025

Iniciamos o curso escolar e con el inauguramos este blog do Equipo de Dinamización da Lingua Galega no IES Fernando Esquío. Dámosvos a benvida con este fermoso poema de Manuel María: