Revista Trobador Fernando Esquío

Aquí tedes o segundo número da revista Trobador Esquío. Esperamos que vos guste!

TROBADOR FERNANDO ESQUÍO 

1º premio de micropoesía Carmela Loureiro

 O venres 26 de xuño, Inés Martínez Dorado de 2º ESO recibiu no centro cultural Torrente Ballester en Ferrol, o 1º premio Carmela Loureiro de micropoesía na categoría de primeiro ciclo da ESO.

Parabéns Inés!

A forza do río Xuvia

 Á beira do río Xuvia desenvolveuse un dos espazos industriais máis importantes de Galicia. A forza da auga permitiu o funcionamente de muiños, fábricas e talleres que transformaron a vida e a economía das persoas durante máis de dous séculos.

Traballo realizado por alumnado de 3º ESO na aula de plástica, no marco do proxecto didáctico de patrimonio Antón Fraguas.

Pazo de Meirás

O alumnado de 4º ESO realizou o xoves 29 de maio unha visita, con roteiro guiado ao Pazo de Meirás. Achegámonos a historia do edificio, propiedade da familia Pardo Bazán, apropiada logo por Franco durante a ditadura e recuperada na actualidade como ben público.

Visita a Celanova

O 19 de maio fixemos unha saída a Celanova co alumnado do club de lectura, club de manga e coro. Foi un día moi completo: comezamos visitando o mosteiro, no que puidemos ver desde fóra a fiestra da cela na que estivo preso Celso Emilio Ferreiro; fomos tamén á espectacular biblioteca do IES de Celanova; á capela de San Miguel, considerada un exemplo único da arquitectura mozárabe prerrománica en Galicia e asistimos a un concerto didáctico de órgano na igrexa de San Salvador. Ademais, visitamos a Casa dos Poetas, onde puidemos aprender moito sobre a vida de Curros Enríquez e, por último, fomos a Vilanova dos Infantes e ao castro de Castromao. Nos distintos lugares, o alumnado leu textos de Celso Emilio, Curros e Xosé Luís Méndez Ferrín. Así mesmo, os integrantes do coro interpretaron a canción "Herba de namorar", acompañados polo órgano.

Esperamos que desfrutedes da reportaxe gráfica da visita tanto como nós desfrutamos do día!

Letras Galegas

 "Gústame contar historias porque as historias me permiten transmitir e narrar algo máis verdadeiro ca a verdade"

Begoña Caamaño

Letras Galegas 2026

Festa das Letras Galegas no Fernando Esquío

Pegadas medievais

 Alumnado  de 2º ESO desprazouse en maio ao concello de San Sadurniño. Na búsqueda do pasado e patrimonio medieval estivemos no Castelo de Naraío. Como irmandiños pero armados con frautas e guitarras exploramos as súas ruinas e paseamos pola fraga que percorre o río Castro deixando a nosa pegada musical. Pegada  que tamén deixamos xunto ao convento do Rosario, cuxo pasado é templario, pero que máis adiante pasou a ser convento franciscano e dominico e en cuxa igrexa están soterrados destacados persoeiros medievais da nosa bisbarra. Rematamos a mañá no Pazo da Marquesa, onde actualmente se atopa o concello. Ali fixemos a última interpretación musical e o alcalde achegouse a escoitarnos.

Esta actividade estivo enmarcada dentro do Plan Proxecta de patrimonio, proxecto didáctico Antón Fraguas.

Mocidade coa lingua

 Alumnado de 2º ESO como público na  XXXIII edición da Mocidade coa Lingua, apoiando ao grupo ECO como representante do noso centro. Parabéns!

Visita a Galicia Textil

  O venres 27 de marzo o alumnado de 3º ESO e 1º Bac realizou unha visita ás instalacións de Galicia textil. Esta histórica fábrica de Xubia, centro de actividade para toda a comarca situada xunto á desembocadura do río, conserva algúns edificios lembranza do seu pasado, como a capela do S.XIX, onde o alumnado de 3º ESO realizou unha interpretación da melodía popular escocesa, Loch Lomond.

Esta actividade estivo enmarcada no plan proxecta de patrimonio: proxecto didáctico  Antón Fraguas.

Museo de invertebrados

Durante estes días permanece exposta no corredor central da planta baixa esta magnífica colección de invertebrados creada e descrita polo alumnado de 1º ESO na clase de bioloxía.

 

MIña casiña meu lar

 Con ocasión da celebración do día de Rosalía, xa empezado o mes de marzo Natalia, Xavier e Mikaela de 2º Bac animáronse a participar na posta en escea deste coñecido poema de Rosalía. Velaquí o resultado.

Grazas!

Día de Rosalía

Cada 23 de febreiro conmemórase o Día de Rosalía. Este curso, nós rendémoslle unha pequena homenaxe a través do concurso "O Rosco de Rosalía", un pasapalabra relacionado coa vida e obra da autora. Tedes ata o 18 de marzo para entregar as vosas respostas na biblioteca. Animádevos a participar!

Científica Galega do Ano 2026

 

A oceanógrafa Aida Fernández Ríos foi nomeada Científica Galega do Ano 2026 pola Real Academia Galega. Trátase da primeira muller que dirixiu o Instituto de Investigacións Mariñas. Especializada nos cambios físico-químicos dos océanos e a súa relación co clima, participou en 30 campañas oceanográficas por todo o mundo, cinco delas como xefa científica. Ademais, formou parte dun programa internacional que contribuíu á primeira avaliación global de dióxido de carbono oceánico causado pola actividade humana, que evidenciou o problema da acidificación dos océanos. En 2015 ingresou como académica numeraria.

11 de febreiro.Visita a Innovart

Un resumo do paso de alumnado de 4º pola feira Innovart 2026, que tivo lugar na Cidade da Cultura en Santiago, adicada ás ensinanzas artísticas deportivas, e de idiomas.

Obradoiro o chinés ao teu ritmo

Entrevistados na TVEG

Día da Muller e da Nena na Ciencia

O 11 de febreiro conmemórase o Día da Muller e da Nena na Ciencia, que visibiliza o traballo das mulleres que se dedican ás áreas STEM, creando así referentes femininos para a infancia. É por iso que hoxe compartimos con vós esta noticia publicada no xornal gCiencia, onde se dan a coñecer dez científicas galegas de gran relevancia.

Día da Ilustración 2026

Como cada 30 de xaneiro, hoxe celébrase o Día da Ilustración. Este ano, o artista homenaxeado é Siro, caricaturista, debuxante, pintor, xornalista e escritor nado en Ferrol en 1943.

Ademais de álbums de debuxos, caricatura e humor, Siro ilustrou cartelería e libros de diversos autores/as e editoriais e, ao longo da súa carreira, tamén traballou nunha serie de proxectos máis aló do debuxo. Así, xunto a Xaquín Marín, impulsou o Museo do Humor de Fene, inaugurado en 1984; escribiu guións e dirixiu programas de radio e televisión: Imos aló?, pioneiro por ser o primeiro curso de galego emitido na TVG (1989 e 1990) e Corre Carmela que chove, que se mantivo 21 anos en antena facendo terturlia de actualidade en clave de humor. En 1990 deseñou a Praza do Humor (A Coruña). 

Calendario 2026

 Presentamos o novo calendario feito polo EDLG neste ano 2026. O seu fio conductor é o traballo da muller no rural tanto na actualidade como en épocas xa pasadas. Agradecemento aos que participachedes aportando fotografías.