Inauguración da exposición "75 cabodano da sinatura de As cruces de pedra na Galiza"

Desde o 3 ata o 29 de decembro de 2024, poderá verse no Museo do Pobo Galego a exposición titulada 75 cabodano da sinatura de As cruces de pedra na Galiza, unha mostra bibliográfica sobre a derradeira obra de Castelao, que escribiu en decembro de 1949, cando estaba exiliado na Arxentina, como resultado de moitos anos de investigación sobre estas particulares mostras de relixiosidade popular. Trátase dun detallado estudo no que se describe a historia, significado e tipoloxía dos cruceiros galegos.

Palabra do Ano 2024

Un ano máis, o portal das palabras promove a escolla da Palabra do Ano, co obxectivo de que tomemos conciencia do valor da lingua e do que designan as palabras que eliximos e creamos. Tes ata o día 8 de decembro ás 23:59 para enviar a túa poposta e participar na primeira fase. Anímaste? 

Deixámoste aquí a ligazón na que poderás atopar toda a información sobre esta iniciativa.

Manifestacións da violencia contra as mulleres na nosa música tradicional

Compartimos a publicación do Museo do Pobo Galego sobre as manifestacións da violencia contras as mulleres na nosa música tradicional. Porque a presenza de mensaxes machistas, tamén é unha realidade no cancioneiro tradicional galego. Deixamos na presentación fragmentos de tres pezas depositadas no Museo.

O Día da Ilustración de 2025 renderá homenaxe ao artista gráfico Xosé Vizoso

O Día da Ilustración forma parte do Calendario do libro e da lectura desde o ano 2014 e toma como data de referencia a do nacemento de Alfonso Daniel Rodríguez Castelao. É unha iniciativa que impulsa a Consellería de Cultura, Lingua e Xuventude en colaboración coa Asociación Galega de Profesionais da Ilustración.

No 2025, este Día homenaxeará a Xosé Vizoso, un artista gráfico que, alén dunha ampla traxectoria como deseñador e ceramista, ten tamén unha importante produción como cartelista, muralista e ilustrador de libros. O recoñecemento ao autor de Mondoñedo é o primeiro que se fai en vida, xa que en anteriores edicións a efeméride centrouse en reivindicar a referentes históricos e pioneiros nesta disciplina.

Tal día coma hoxe, en 1861, Rosalía publica "Adiós ríos, adiós fontes"

O 24 de novembro de 1861, Rosalía de Castro publicaba o seu primeiro poema en galego, "Adiós ríos, adiós fontes", que vos deixamos a continuación para que poidades desfrutar da súa fermosura.

Mulleres do medievo galego

Estes días contamos no noso IES coa exposición Mulleres do medievo galego, ofertada pola Deputación da Coruña e que consta de 21 paneis, o pimeiro deles introdutorio e, o resto, 10 láminas ilustradas cos seus respectivos 10 textos.

As protagonistas son dez mulleres da nosa historia elixidas para as ilustracións: Dona Urraca, María Castaña, Lupe Pérez de Traba, Inés de Castro, Maior Guntroda Rodríguez, Aldonça I e Sancha II, Ilduara Eriz, Sancha I, Tareixa de León e María Peres, A Balteira.

As ilustracións están feitas por 5 ilustradoras galegas; Iria Fafián, Laura Romero, María Montes, Minia Regos e Nuria Díaz.

Exposición de libros 25 N

Toda esta semana, os corredores do noso IES énchense de actividades para conmemorar o 25 N. Non podía faltar a exposición dos libros que temos na biblioteca do centro en torno a esta temática.